نبی کرم صلی اللہ علیہ وسلم کی فصاحت و بلاغت, Eloquence and Rhetoric of Prophet Muhammad ﷺ
نبی کرم صلی اللہ علیہ وسلم کی فصاحت و بلاغت فصاعت ایک ایسی سنت ہے جو کلام کے لیے بھی ہوسکتی ہے۔ انداز گفتگو اور ہیبت تکلم کے لیے استعمال ہوسکتی ہے اور گفتگو یا کلام کے موضوع کے لیے بھی آسکتی ہے۔ حضور اکرم صلی اللہ علیہ وسلم کی فصاحت میں یہ تمام اوصاف موجود تھے۔ آپؐ کے کلام کی ہیئت نطق و تکلم اور موضوع کلام سب میں فصاحت موجود ہے۔ اس کی وجہ یہ ہے کہ آپؐ افصح العرب تھے۔ جیسا کہ آپؐ نے خود ارشاد فرمایا ہے کہ میں قریش سے ہوں اور بنو سعد بن بکر میں میں نے پرورش پائی ہے۔ آپؐ کے نطق و گویائی کا جمال فصاحت بھی آپؐ کے کلامک بلیغ کی طرح پرکشش او ربے مثال تھا۔ حضرت عائشہؓ نے آپؐ کے نطق گویائی کے بارے میں فرمایا ’’رسول اکرم صلی اللہ علیہ وسلم یونہی باتوں میں نہیں لگے رہتے تھے ‘ جس طرح تم لوگ باتیں کرتے چلے جاتے ہو بلکہ وہ ایسے انداز میں کلام کرتے تھے جو واضح نکھرا نکھرا ہوتا جیسے آپؐ کے پاس بیٹھنے والا حفظ کرلیتا تھا۔‘‘ آپؐ کی نطق گویائی حروف اور ان کے مخارج کے عیوب سے پاک تھی اور یہ کہ آپؐ ان حروف کے خوبصورت ترین اور موثر ترین طریقے سے ادا کرنے پر قدرت کاملہ رکھتے تھے۔ احیاء العلوم میں امام ...